Mótmæli virka

Kröftug mótmæli beina ljósi fjölmiðla að þeim einstaklingum sem vona að þeirra hlutur í spillingunni gleymist. Elínu var mótmælt kröftuglega á miðvikudaginn var og stuttu seinna kemur í ljós að vitað var um einkavinavæðingu Tryggva Jónssonar innan bankans.

Beinar aðgerðir virka! Nú þarf að setja meiri þrýsting á ríkisstjórnina. Við þurfum að losna við seðlabankastjóra, sem eingöngu forsætisráðherra getur rekið. Við þurfum líka að losna við ríkisstjórnina sjálfa, sem forgangsraðar arfavitlaust í fálmkenndum niðurskurðartillögum.

Mótmælum kröftuglega við næsta ríkisstjórnarfund!

Bankastjórastöður auglýstar

Skemmdarvargar

Morgunblaðið virðist ekki hafa neinn áhuga að skrifa fréttir. Þeir skrifa bara valdar "staðreyndir" með þeirri orðræðu sem hentar þeirra pólitík.

"Það er kalt í dag".

"100 manns dóu í Gaza" 

"2 voru handteknir fyrir að mótmæla" 

Hverju var verið að mótmæla? Það er verið að reyna að stöðva ríkisstjórnarfundi, því þessi ríkisstjórn situr í óþökk þjóðarinnar. Flokkarnir í hverra krafti þetta fólk situr er með meirihluta á alþingi í óþökk þjóðarinnar. Seðlabankastjóri situr í skjóli þessarar ríkisstjórnar í óþökk þjóðarinnar

Útlendir sérfræðingar segja að þessi ríkisstjórn hafi gert miklu meira ógagn en gagn. Þetta er gjörsamlega vanhæf ríkisstjórn og hún á að segja af sér strax.

Leyfum henni ekki að halda fundi um hvernig á að dreifa málum sem mest á dreif. Leyfum henni ekki að halda fundi um hvernig á að skera sem vitlausast niður í sveltu heilbrigðiskerfi. Leyfum henni ekki að ákveða að heræfingar séu mikilvægari en St. Jósepsspítali.

Mætum næsta þriðjudag, öll sem eitt, fyrir framan Iðnó rétt fyrir 9 og stöðvum þessa skemmdarvarga.

	Tveir mótmælendur handteknir
Ábyrgðarmaður færslu Tenging við þessa frétt hefur verið rofin vegna kvartana.

Elín út!

Þessi mótmæli beinast gegn Elínu, sem var innsti koppur í búri í IceSave og er núverandi bankastjóri Landsbankans. Elín er líka með ofurlaun, sem hún neitaði að upplýsa þar til þrýst var á. Núna er hún með aðeins lægri ofurlaun og neitar að það séu ofurlaun.

 Hvað værir þú lengi að borga niður húsnæðilánið þitt ef þú værir með 1.5 millur á mánuði í boði ríkisins?

Spillinguna burt! Klútana upp! Elín út!

Mótmæli boðuð í dag

100.000 innlagnir

580 milljónir króna eru hundrað þúsund innlagnir á spítala, eftir niðurskurðarlög ríkisósómans. Ég elska gömlu bæjarmyndina, en það er ljóst að 580 milljónir króna fyrir 2 lóðir og ónýta kofa er spilling. Var ekki hægt að gera bara eignarnám og láta sanngjarnt verð koma fyrir? Það er gert hjá bændum sem ekki vilja selja þegar landsvirkjun þarf að gefa peninga til erlendra auðkýfinga.

 Ég vil alla spillingu burt. Friðsamleg mótmæli gegn spillingunni í Landsbankanum á morgun í Austurstræti klukkan 13. Komið með hávaðtól, og ef þið viljið sýna samstöðu með aðgerðarsinnum, komið þá með klúta líka!

Elín út! 

Slökkvilið kallað að Laugavegi 4-6

Hættið að vernda spillinguna

Þessi könnun sem sýnir mikla hamingju lögreglunnar var gerð í mars. Nú er efnahagurinn hruninn og fólk sem vill breytingar öskrar á lögregluna þegar hún beitir ofbeldi til verndar spillingunni. Hvernig kæmi þessi könnun út núna? Maður sér það svo greinilega að meirihluti þeirra sem er skipað að verja óráðamenn vilja svo innilega ekki vera þarna. Geta ekki horfst í augu við mótmælendur. Geta ekki horfst í augu við það að félagar þeirra í efnahagsafbrotadeild þoli niðurskurð, meðan allur peningur sem rennur í þeirra deild fer í rafmagnsbyssur og meira gas. Geta ekki horfst í augu við það að þeir muni missa húsið sitt fyrir tilstuðlan þeirra sem þeir vernda.

Löggur! Látið flytja ykkur í umferðadeildina, þar gerið þið gagn. Þar uppskerið þið velvilja. Gangið í hverfisdeildir, hjálpið okkur að hjálpa börnunum okkar. Mótmælið niðurskurði á góðum verkum lögreglunnar. Hættið að vernda spillinguna!

Streita lögreglumanna landshlutatengd

Kryddsíldin tekur á taugar ríkisstjórnarinnar

Ríkisstjórnin riðar til falls eftir kröftug mótmæli á Hótel Borg. Ingibjörg var grá og guggin í Kryddsíldinni og hefur þrátt fyrir hrokafullar yfirlýsingar um araba og að við værum ekki þjóðin, séð að fólkið vill ekki hafa hana lengur við völd. Nú notar hún öll ráð til að komast frá, án þess að taka ábyrgð og getur bara kennt Sjálftökuflokkinum um allt saman.

 Áfram aðgerðasinnar. Áfram anarkistar. Næst er það Elín, klukkan 13 á miðvikudag, Landsbankanum við Austurstræti. Alla spillingu burt fyrir vorið!

Taugastríð Geirs og Ingibjargar

Undirbúa nýjar aðgerðir strax!

Nú er dágóður hópur sem vill rífa niður spillinguna og vill vita hvar á næst að láta kné fylgja kviði. Ég veit ekki til að neitt hafi verið skipulagt í dag. Það þýðir samt ekkert að gefast upp. Ef *þú* ert í stuði fyrir aðgerðir, þá skaltu bara fara og gera einhvern andskotann af þér.

Þessar aðgerðir sem hafa verið í gangi í vikunni hafa verið skipulagðar mjög hratt, yfirleitt eru einhverjir sem hafa hugmynd um hvar væri best að stinga á kýli, svo er bara ákveðinn hittingsstaður, honum básúnað út um allt og svo ræðst bara á leiðinni hvað verður gert. Þetta er ekki skipulagður hernaður, þetta er skæruhernaður. Það er alltaf skemmtilegt ef einhverjir hafa nennt að vera með tilbúna yfirlýsingu, en svo getur bara verið ennþá skemmtilegra að nota vopn óvinarins gegn honum, eins og þegar var lesið upphátt úr auglýsingum Glitnis.

Skipuleggið skemmtilegar aðgerðir, munið að hávaði er alltaf góður og hafið í huga að ef margar aðgerðir fara fram á sama tíma, er erfiðara að stoppa þær. Hittist heima eða á kaffihúsi með vinum ykkar og skipuleggið eitthvað. Ef þið þurfið stuðning, þá hringið þið út um allt, sendið pósta á fésbók og vonið það besta. Hér má pósta tilkynningum.

Ef þarf að hætta við aðgerðina vegna varðhunda eða of lítils hóps þá getið þið bara farið eitthvert annað. Það er hægt að snúa út úr jólasöngvum og syngja í Kringlunni, sjáið hversu oft þeir nenna að henda ykkur út. Það er fullt af fínu níði á netinu, svo má semja sjálfur.

Þið getið líka tekið forskot á sæluna með að svelta svínið, farið í Bónus eða 10-11 eða hvar sem þið getið komið við kauninn á kapítalinu og verið fyrir, nöldrað yfir verðinu, fyllt körfur af drasli. Reynið að vera kurteis við starfsfólk, það er bara skemmtilegra.

Hreyfingin eru þeir sem geta og þora og nenna. Það var ein manneskja sem stóð fyrir prjónamótmælunum, þau náðu mikilli athygli. Það var örsmár hópur sem fór upp á pallana og í fyrra skiptið í ráðherrabústaðinn, það komu 5 sinnum fleiri vikuna eftir. Við getum þetta öll!

Undirbúa ný fjárlög eftir áramót

Sveltum svínið!

Bónus eru ódýrir því þeir svína á starfsfólki, þeir svínbeygja byrgja, þeir svína á samkeppninni og þeir drulla á þig. Maður gæti hugsað sem svo að undirboð væri bara gott fyrir neytandan. En bara til skamms tíma. Um leið og samkeppnin er dauð, eða það er búið að kaupa hana eða þeir þora ekki í alvöru samkeppni hækkar verðið aftur umfram það sem var. Þeir selja þér myglað grænmeti og ef þú vilt ekki myglað grænmeti þarftu að fara í aðra Hagabúð eða hugsanlega Þjófatún og borga a.m.k. tvöfalt verð. Nú er nóg komið!

Við hljótum að geta stofnað hverfasamtök um að kaupa grænmeti beint frá framleiðandanum, ýsuna beint af línunni og pantað þurrvörur í sameiningu. 

Sveltum svínið!

Brot Haga alvarlegt

Hvolpar geta líka bitið

Vilhjálmur vildi græða á hlutabréfakaupum, sem er mannlegt í þessu kerfi sem við búum við.  Það var svindlað á öllum smærri hluthöfum á þann hátt sem Jón Steinson útskýrir vel í þessari grein hér . Nú ætlar kapitalistahvolpurinn að bíta til baka. Mér finnst kerfið ógeðslegt, en ég skil vel að fólk sjái sanngirnina í því að smærri hluthafar séu ekki teknir í þurrt.

 Það sem við verðum að átta okkur á hins vegar er að kapitalismin tekur okkur alltaf í þurrt. Það er alltaf einhver sem græðir suddalega á okkar kostnað. Það sjáum við betur og betur þessa dagana.

Kakan stækkar ekki, það er stærsta lygin í kapítalismanum. Kakan getur ekki stækkað, því þótt það séu fundnar upp vélar sem auka framleiðni, hafa kapítalistarnir ekkert við meiri framleiðni að gera nema til að lækka kostnað, til að undirbjóða keppinautinn. Að lækka kostnað, þýðir venjulega að reka fólk. Aukaframleiðni er aldrei gefin til þeirra sem þurfa á henni að halda. Kapítalisminn getur ekki þróast nema með nýjum mörkuðum, og þeir markaðir eru ekki til.

  Í sanngjörnu þjóðfélagi væru nýjungar nýttar til að auka framleiðni, til að flestir gætu unnið sem minnst en haft það samt fínt. Til að öll nýting yrði sjálfbær. Í sanngjörnu þjóðfélagi stæðu ekki auðar nýjar íbúðir, meðan fólk missir húsnæði. Fyrir þessu þarf að berjast.

Sveltum svínin!

Hlutabréf seld á geðþóttaverði?

Hundarnir farnir að bíta aftur

Þegar sverfur að, eða von er á gróða þá má alltaf bóka að auðvaldið berst innbyrðis. Þetta lið sér svo skammt, að um leið og það sér tækifæri til að koma keppinaut á hnén, þá grípur það það. Nú ætla hundar sjálftökuflokksins að ákæra dusilmennið JÁJ eina ferðina enn, og eyða milljónum og aftur milljónum af okkar peningum í lögfræðinga í eitthvað sem leiðir ekki til neins. Ef svo ólíklega fer að JÁJ verði dæmdur í Hæstarétti, áfrýjar hann til mannréttindadómstóls eða Evrópudómstóls og það er eins líklegt að hann verði sýknaður þar.

Kapítalistarnir berjast innbyrðis. Eggert kærir Björgúlfinn, sjálftökuklíkan kærir JÁJ og samspillingin hótar sjálftökuflokknum. Við skulum vinna saman og bylta þessu spillingarpakki eins og það leggur sig. Ágætis hugmynd væri að byrja á að svelta svínið.

Sveltum svínið!

Jón Ásgeir: Ekki sama hver á í hlut