Jóni Gerald er líka sama um þig.

Hann vill bara koma lúkunum ofan í vasana þína. Ef hann fer í samkeppni við Bónus þýðir það eingöngu að við getum fengið myglað grænmeti aðeins ódýrara, færri baunir í dósirnar frá ORA, ennþá verri þjónustu. Starfsfólkið bæði í Bónus og Sullukaupum mun fá verri laun, því þannig munu þeir halda verðinu niðri.

 Jón Gerald tók þátt í þessu öllu alveg eins og hitt sukkliðið, þangað til var stungið undan honum og hann settur út í kuldann. Þurfum við nýjan Björgólf sem kemur aftur til Íslands til að "bjarga" því?

Jón Gerald er alveg eins og hinir kapítalistarnir, honum er skítsama um allt nema völd og peninga.

Jón Gerald mótmælir í Landsbanka

Ruddust!

Bankarnir ruddust yfir okkur á skítugum skónum.  Það er löngu kominn tími til að sýna að við getum svarað fyrir okkur. Hópurinn sem lét ráðherraaumingjanna læðast inn að aftan í ráðherrabústaðnum undir hrópun og skömmum fer vaxandi, ný andlit sjást í hverri aðgerð. Þetta er bara byrjunin. 

Allir sem vettlingi geta valdið taki þátt í svona mótmælum. Ég mun láta vita af öllum mótmælum sem ég frétti af. Það er ótrúlega hressandi í skammdeginnu og í öllum kreppusöngnum að berjast fyrir tilveru sinni á eigin forsendum,  en ekki þessa skítakerfis sem byggðist hérna upp í frjálshyggjunni.

Ruddust inn í Landsbankann

Frábært!

Þessi aðgerð var frábær. Ég er ótrúlega stoltur að fólk sé byrjað að mótmæla af krafti. Þetta eru ekki skrílslæti, þetta er pólitísk aðgerð gegn þeim sem settu okkur á hausinn og halda áfram að selja eigur okkar á spottprís og borga undir rassanna á dæmdum og ódæmdum hvítflibba glæpalýð.

"Hætt í bili", þýðir "Hætt í dag", það verður ekkert lát á baráttu gegn spillingu. Þessi hreyfing fer vaxandi,  sjáiði bara til. Það verður enginn friður fyrir spillingarliðið um jólin.

Mótmælendur skiptu um útibú

Yfirlýsing aðgerðarsinna

Pólitísk aðgerð þann 17. desember 2008 í höfuðstöðvum Landsbankans.

Við komum saman hér í Landsbankanum til þess að stöðva vinnu. Við krefjumst þess að skuldir bankanna lendi ekki á íbúum landsins á börnum sem eiga engan þátt í þeirri fjármálakreppu sem við erum nú stödd í. Lán frá Alþjóðagjaldeyrissjóðnum gerir þessi börn bókstaflega að þrælum.

Við látum ekki plata okkur með nýjum kennitölum, nýjum forstjórum og nýjum nöfnum bankanna. Sama hugmyndafræði er hér enn við völd. Bankastjórar og aðrir háttsettir einstaklingar innan bankanna munu ekki komast upp með að láta sig hverfa frá vandamálunum sem þeir sjálfir sköpuðu. Við krefjumst þess að þeir axli þá svokölluðu ábyrgð sem ávalt var sögð forsenda himinhárra launa þeirra - þeir borgi sjálfir sínar skuldir.

Segjast hættir í bili

Austurvöllur kl. 0900

Þessi spilling sem tröllríður valdastéttinni, verður tekin á beinið. Á morgun, miðv. 17 des klukkan 09:00, á að hittast á Austurvelli og í beinu framhaldi verða aðgerðir gegn þessum gjörspilltu bönkum.

 Þeir sem voluðu yfir því að aðgerðarsinnar ættu að leyfa ríkistjórninni að vinna skítverk sín í friði og taka bankanna frekar fyrir, verður semsagt að ósk sinni.

Fyrrum bankastjórar koma ekki að rekstri Nýja Landsbankans